عدالت ته د لاسرسي لپاره د نجلا سره مرسته

24.11.1399
نجلا غواړي په قانوني ډول له خپل خاوند څخه جلا شي. هغه له خپل خاوند څخه جدا په یوه بیله سیمه او قضايي حوزه کې ژوند کوي. د دوی د اوسېدو ځایونه دوه مختلفو قضایي حوزو پورې اړه لري او په دواړه حوزو کې د حقوقو ریاست شتون لري. نجلا نه پوهیږي چې چیرې خپله دعوه تر سره کړي.

له ډیرې مودې ناڅرګندتیا او تردید وروسته، هغې  د خپل میړه  قضایي حوزه کې د حقوقو ریاست ته د ورتګ جرات کوي.

د حقوقو ریاست د نجلا قضیه مني. نجلا خوشحاليږي او فکر کوي چې د هغې ستونزې پای رسیدو ته نږدې دي. خو هغه او همدارنګه د حقوقو ریاست چې د هغې د میړه په قضایي حوزه کې موقعیت لري په څرګند ډول نه پوهیږي چې دې قضیې څیړل د چا مسؤلیت دی.

په نهایت کې، نوموړی ریاست د نجلا قضیه محکمې ته وړاندې کوي.

مګر محکمه دا قضیه ردوي. محکمه ادعا کوي چې دوی د دې قضیې د څیړلو واک نه لري.

نجلا ده پروسې د ځنډ په وجه ستړې او نا هیلې ده.

محکمه په نهایت کې دا قضیه د حقوقو ریاست ته چې د نجلا په قضایی حوزه کې شتون لري، لیږدوي. حال دا چي دا قضیه باید له پیل څخه  پدې دفتر کې څېړل شوی وای.

دغه ډول د مسؤلیت څخه بې خبري او نه وضاحت د وخت او انرژي ضیاع ده. تر ټولو مهمه، داسې ستونزې عدالت ته د لاسرسي په لاره کې خنډ ګرځي. ډیر داسې مثالونه شته ځکه چې دې ډول قضیو څیړلو لپاره وضاحت او څرګنده تګ لاره وجود نلري. پدې برخه کې قانون پیچلي او پلي کول یې ستونزمن دي. مګر لازمه نده چې دا پروسه دومره پیچلې وي.

که نجلا یا  د حقوقو ریاست په دې قضیه کې د قانون پلي کولو څرنګوالي په اړه څرګنده او دقیق معلوماتو ته لاسرسی درلودلی، نو دې دعوه ته رسیده گی به ټولو ښکیل کسانو ته ګړندۍ او آسانه شوې وای.

د عدلیې وزارت او "له افغانستان سره د آلمان همکاری د قانون د حاکمیت ترویج پروګرام " د مسسولیتونو د وضاحت لپاره د حل لار جوړه کړی. دوی په ګډه د مدني او سوداګریزو حقونو ترلاسه کولو پروسې د روښانه او اسانه کولو لپاره د قانون تفسیر (تبصره) خپور کړی.

 

 

 

 

 

 

 

 

 

 

 

 

 

 

 

 

د عدلیې وزارت د هیواد په کچه د حقوقو ریاستونو څخه د دوی د مسلو او اړتیاوو په اړه معلومات راټول کړ. د دې معلوماتو پر بنسټ ، درې کارپوهان وګمارل شول ترڅو د عدلیې وزارت د یو لوړ پوړي سلاکار لارښوونې سره سم دا تفسیر چمتو او وروستی کړي.

د دې تفسیر ۱۸۰۰ نسخې عدلیې وزارت ته د دوشنبې په ورځ د فبروري میاشتې په اتمه نېټه ورکړل شوې. وزارت به په لومړي پړاو کې دا نسخې شمالي ولایتونو کی وویشي.

دا تفسیر به د حقوقو افسرانو (کارکوونکو) او په عدلیې وزارت کې د قانون پلي کوونکو افسرانو ته قانون روښانه او توضیح کړي. دا کار به د عدالت او د دوی د خدمتونو کیفیت لوړ کړي ، او د نجلا ته ورته قضیو په مؤثره توګه څېړلو ډاډ به په راتلونکي کې تر لاسه شي.