په افغانستان کښې د آلمان د همکاریو د تازه پیدا ګېرنو، پېښواو رپوټونو، مطبوعاتی خبرونو ریښتینو او تازه خبرونه د ولایت، نېټې او خبری طرحې په بنا د نورو معلوماتو لپاره د خپرونو، ویدیو ییاو تصوری ګالرۍ او د اړوندو لنکونو او خبری برخو او یا هم کتاب  تونونو ته د تلون په اساس په لمړیتوبونو ویشلی دی

فلتر

پايلې 507
13.08.1398 | خبرپاڼه
هرات، د ۱۳۹۸ کال د لړم ۱۳ مه - د ملي مدني ټولنې اونۍ په نوم دری ورځنۍ غونډه په هرات کې د جمعې په ورځ پای ته ورسیده. دا غونډه د مدني ټولنې لپاره د افغانستان انستیتیوت (AICS) له خوا همغږې شوې وه چې د ټول هیواد په کچه د مدني ټولنې، حکومت، علمي مرکزونو، خصوصي سکتور، ملګرو ملتونو او رسنیو شاوخوا ۱۵۰ استازو په کې برخه اخیستې وه چې ۴۱ یې ښځې وې. د مدني ټولنې لپاره د افغانستان انستیتیوت (AICS) موخه په افغانستان کې د مدني ټولنې د سازمانونو ملاتړ کول دي څو د هیواد د پرمختګ لپاره د دوی ظرفیت درک کړي. د افغانستان-المان د همکارۍ پروګرام د پرانیستې پالیسۍ مشورتي صندوق (OPAF) د دې غونډې لپاره مالي او تخنیکي ملاتړ چمتو کړی وو.
12.08.1398 | خبرپاڼه
کابل، د ۱۳۹۸ کال د لړم 12مه - تېره ورځ، د افغانستان د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي د المان د اقتصادي همکارۍ او پراختیا وزارت مرستیال (BMZ) ښاغلي مارټین ییګر، سره یوځای افغانستان سره د المان دوامداره ملاتړ تصدیق کړ. د ۲۰۱۹ زېږدیز کال په پای کې، د المان دولت د المان د اقتصادي همکارۍ او پراختیا وزارت له لارې د افغانستان – المان همکارۍ د پروژو لپاره به ۶.۲ میلیارده افغانۍ (۷۲ میلیونه یورو) اضافه مرسته وکړي، چې په ۲۰۱۹ زېږدیز کال کې به ټولټال ژمنه شوې مرسته ۱۸.۱ میلیارده افغانیو (۲۱۱ میلیونه یورو) ته ورسېږي.
09.08.1398 | خبرپاڼه
ډهلي، هندوستان، د ۱۳۹۸ کال د لړم د میاشتې نهمه - د هندوستان په ډهلي کې ، له کابل څخه ۲۷ ښوونکي د الماني ژبې په کورس کې ګډون کوي، پداسې حال کې چې ۱۷ نور ښوونکي ښوونیز تریننګ ترلاسه کوي. په دوی کې ۳۷ ښځې دي. دواړه فعالیتونه د وري د میاشتې په ۲۹ نیټه پیل شوي او د لړم د میاشتې په دوولسمه به پای ته ورسیږي. ددې فعالیتونو موخه د ښوونکو چمتو کول دي چې د عصري ښوونې او روزنې او د الماني ژبې د کورسونو لپاره توکي چمتو کړي. برخه اخیستونکي د کابل په دریو نمونوي ښوونځیو کې ښوونه کوي - د هلکانو لپاره د اماني عالي لیسه، د نجونو لپاره عایشه دراني عالي لیسه، او د نجونو او هلکانو لپاره د جمهوریت تجارتي ښوونځی. د افغان-المان همکاری د دې ښوونځیو ملاتړ کوي چې په ټول هیواد کې د ښوونځیو د پرمختګ لپاره د نمونې په توګه کار وکړي.
28.07.1398 | خبرپاڼه
مزار شریف، بلخ، د ۱۳۹۸ کال د تلې ۲۸مه – پرون، د ښځو د حقونو په اړه د حقوقي پوهاوي کلنی کنفرانس په مزار شریف کې دایر شو ترڅو د نوو قوانینو په اړه د عامه پوهاوي کچه لوړه کړي. دغه قوانین به د ټولنیزو ستونزو په حل، د قانون د حاکمیت په پياوړي کولو، د اداري فساد په کمولو، او دولت او عامو وګړو تر منځ د باور په رامنځته کولو کې مرسته وکړي. په ټولیز ډول سره د عدلي ریاست (DoJ) د استازو، د ښځو د چارو د ریاست (DoWA)، ولایتي محکمو، د څارنوالۍ دفتر، شوراګانو، د ولسوالېو دفترونو، پولیسو او همداراز ملایانو، ښوونکو، د ټولنې غړو، د مدرسو زده کونکو او د مدني ټولنو د لوبغاړو په ګډون ۲۵۰ ګډون کونکو چې د هغو په منځ کې د بیلابېلو ذیدخلو ډلو ۱۰۰ میرمنې وې، ګډون کړې وه.
25.07.1398 | خبرپاڼه
مزار شریف، بلخ ولایت، ۲۵-۰۷-۱۳۹۸. نن، په مزار شریف کې د کان کیندنې څلور اوونیزه روزنه بشپړه شوه. په دغه روزنه کې له شپږ (۶) ولایتونو لکه بغلان، بلخ، فاریاب، جوزجان، سمنګان او سرپل ولایتونو ریاستونو څخه د کان کیندنې ۱۳ مفتشینو ګډون کړی و. دغه روزونکي چې د کانونو او پټرولیم وزارت کارپوهان دي، د روزونکو روزنې په پروګرام کې تېر ځل ګډون کړی و، په ۱۳۹۴ او ۱۳۹۵ کال کې هم د نوموړي روزنې بودیجه د افغان جرمن همکارۍ ورکړې وه.
25.07.1398 | خبرپاڼه
کابل، د ۱۳۹۸ کال د تلې ۲۵ مه – پرون، د کابل په پوهنتون کې د افغانستان د نوې کیدونکې انرژۍ د اتحادیې (AREU) په جوړولو کې د غړو د ونډې په اړه ورکشاپ دایر شو. د میرمنو په شمول، اویا تنو پدغه ورکشاپ کې ګډون وکړ او د هغو هڅو په اړه یې بحث وکړ چې د غړیتوب د ونډې له لیارې AREU لا ډیره فعاله او پایښت لرونکې کړي، چې هغه به په خپل وار سره د افغانستان د نوې کیدونکې انرژۍ په پراختیا کې مرسته وکړي. دغه ډله کې د اوبو او بریښنا د وزارت (MEW) استازي، د افغانستان د سوداګرۍ او پانګونې اتاق (ACCI)، د افغانستان او آلمان د همکارۍ د آنرژۍ سکټور د پياوړي کولو پروګرام(ESIP) او له خصوصی سکتور څخه د AREU نور غړي شامل ول. افغانستان سره د آلمان همکارۍ دغه ورکشاپ ملاتړ کړ.
24.07.1398 | خبرپاڼه
کابل، د ۲۰۱۹ زېږدیز کال د اکټوبر د میاشتې ۱۶مه نېټه - نن ورځ، د کانونو او پټرولیم وزارت (MoMP) ۲۰ نارینه او ښځینه کارکوونکو په بریالیتوب سره د کانونو په مدیریت کې د جنډر د رول په اړه په کابل ولایت کې یو دوه ورځنی ورکشاپ بشپړ کړ. په استخراجي صنعت کې د ښځینه ګډون او دندو ترویجول د دې فعالیت موخه وه. د افغانستان په استخراجي سکتور کې غوره حکومتولۍ ته د ودې ورکولو لپاره د افغانستان – آلمان همکارۍ پروګرام (MinGov) د افغانستان د کانونو او پټرولیم وزارت (MoMP) سره په ګډه دا ورکشاپ له مالي پلوه تمویل او تطبیق کړ.
18.07.1398 | خبرپاڼه
کابل، د ۲۰۱۹ زېږدیز کال د اکټوبر د میاشتې ۱۰مه نېټه - نن ورځ د ټولګي د څارنې اړوند د اوو (۷) درې ورځنیو ورکشاپونو وروستی هغه یې د کابل، بلخ، سمنګان، ننګرهار، بامیان، بدخشان او هرات ولایتونو کې پای ته ورسېدل. له ۴۰ څخه د زیاتو مېرمنو په ګډون ۲۱۰ کسانو په روزنیزو ناستو کې ګډون درلود. په ګډونوالو کې د اړوند ولایت پوهنې ریاست (PED)> د دارالمعلمینو غړو (TTCs) او د سر ښوونکي پراختیایي مرکزونو (TDCs) شامل وو. افغانستان سره د آلمان همکارۍ ادارې له دې مراسمو څخه مالي ملاتړ وکړ. د کندهار ولایت د پوهنې ریاست د څارنې مدیر، ښاغلي نعمت الله فېروز تأکید وکړ، اوس موږ کولای شو چې د افغانستان لپاره د ښوونکي د وړتیا په چوکاټ کې د وړتیا د شپږو ټاکل شوو برخو پر بنسټ د خپلو ښوونځیو ښوونکي په غوره توګه و ارزوو، په دې سره به موږ وکولای شو چې د دوی له مسلکي پراختیا څخه په غوره توګه ملاتړ وکړو.
25.06.1398 | خبرپاڼه
25-۰۶-۱۳۹۸ مزار شریف، بلخ ولایت. تېره پنجشنبه، د سمنګان ولایت برېښنا شرکت (DABS) او افغان جرمن همکارۍ په سمنګان ولایت کې د حضرت سلطان ولسوالۍ په کوکجر سیمه کې د برېښنا د توزیع شبکې جوړولو قرارداد لاسلیک کړل. د بامانچي، مالک، ګنډاکي، تولکاچي، نوی قزلباش لوپان، زوړ لوپان او سدویي کلیو کې به له ۸۰۰۰ څخه زیات خلک د برېښنا له نوي شبکې څخه ګټه پورته کړي. د سیمه ییزې بنسټیزې پراختیا وجهي صندوق (RIDF) د افغانستان برېښنا شرکت (DABS) سره د دغه پروژې په ګوته کولو کې مرسته وکړه او د دغه پروژې تطبیق لګښت چې شا او خوا ۱۳۳ میلونه افغانۍ کېږي، ورکوي. تمه کېږي چې د دغه پروژې د رغولو چارې به په ۱۴ میاشتو کې بشپړ شي.
18.06.1398 | خبرپاڼه
۱۸-۰۶-۱۳۹۸، کابل. د تېرې شنبې په ورځ، د کندز ولایت ښوونې ریاست د معارف له وزیر، کندز والي او افغان جرمن همکارۍ سره په ګډه د کندز ښار په مرکز کې د څلور (۴) نوي لېسې جوړولو تړون لاسلیک کړل. د دغه پروژې له بشپړېدو څخه وروسته به له ۲۵۰۰۰ څخه زیات نجونې او هلکان ګټه اخلي. د ۱۳۹۳ کال راهیسې، د افغان جرمن همکارۍ د سیمه ییزې بنسټیزې پراختیا وجهي صندوق (RIDF) د کندز ولایت د ښوونې له ریاست سره د دغه پروژې په چمتو کولو کې مرسته کوي او د دغه پروژې تطبیق بودیجه چې ټولټال ۴۲۳ میلونه افغانۍ کېږي، ورکوي.