په افغانستان کښې د آلمان د همکاریو د تازه پیدا ګېرنو، پېښواو رپوټونو، مطبوعاتی خبرونو ریښتینو او تازه خبرونه د ولایت، نېټې او خبری طرحې په بنا د نورو معلوماتو لپاره د خپرونو، ویدیو ییاو تصوری ګالرۍ او د اړوندو لنکونو او خبری برخو او یا هم کتاب  تونونو ته د تلون په اساس په لمړیتوبونو ویشلی دی

فلتر

پايلې 493
01.05.1398 | خبرپاڼه
دوبی، عربي متحده امارات، د ۲۰۱۹ کال د جولای د میاشتې ۲۳مه نیټه – د افغان-المان د انرژۍ د سکتور د سمونتیا پروګرام (ESIP) او د هغه شریکانو په یوه غونډه کې چې د چنګاش د میاشتې د ۲۸مې نیټې څخه تر ۳۰مې نیټې پورې د دوبۍ په ښار کې جوړه شوې وه، د ۲۰۱۹ کال لپاره یوه منځ مهاله څیړنه ترسره کړه. په نوموړې غونډه کې چې د نارینه وو او ښځو په شمول د افغانستان د انرژۍ او اوبو د وزارت، د افغانستان د نوي کیدونکې انرژۍ د ټولنې او د خصوصي او دولتي سکتورونو نورو اړونده مراجعو درویشتو تنو استازو ګډون کړی وو، د ځوانانو د تشبث او کارجوړونې د ملاتړ د دوهم پړاو او په کورني سکتور کې د نوي کیدونکي انرژۍ د ودې په موخه د یوه اداره کوونکې ادارې د جوړولو په باب هوکړې لاسلیک شوې.
30.04.1398 | خبرپاڼه
کابل، د ۱۳۹۸ کال د چنګاښ د میاشتې ۳۰ نېټه - پړون، په کابل کې د کانونو او پټرولیم په وزارت کې د ملکي خدمتونو کارکوونکو او د مدني ټولنې د سازمانونو استازو او د خصوصي شرکتونو لپاره یو ورکشاپ ترسره شو. دغه ورکشاپ د ۲۰۱۹ زېږدیز کال په لومړیو کې د معطل کېدو څخه وروسته د ۲۰۲۰ زېږدیز کال لپاره د استخراجي صنایعو د شفافیت د نوښت معیارونو ته د افغانستان د غړیتوب ته بیا اعتبارورکولو بنسټ کېښود. د کانونو او پټرولیم وزازت د پلان او پالیسۍ معین ښاغلي ولي الله ځدران د دغه پروګرام مشري کوله. د مهمو دولتي چارواکو په ګډون شپېته کسانو، نارینه او ښځینه وو، او د افغانستان د استخراجي صنعتونو د روڼتیا نوښت د څو ګونو ښکېلو خواوو ګروپ ګډون کړی وؤ.
28.04.1398 | خبرپاڼه
متحده عربي امارات، دوبۍ، د ۲۰۱۹ زېږدیز کال د جولای د میاشتې ۱۹نېټه - پرون، په افغانستان کې د برېښنا شبکې ته د پیسو په بدل کې د شخصي اضافي برېښنا د صادرولو نظریې ارزولو له درې غونډو څخه یوه غونډه په دوبۍ کې ترسره شوه. د دغه ډول برېښنا کارولو سیسټم اسانتیاوې هغه پېرودونکو ته اجازه ورکوي څوک چې خپله برېښنا تولیدوي څو اضافه برېښنا د پیسو په بدل کې ګرید ته صادره کړي. یوولس ګډونوال چې د نارینه او ښځینه وو په ګډون، دولتي چارواکي او د خصوصي او عامه سکتور ښکېل اړخونه شامل ول، د برېښنا شبکې ته د پیسو په بدل کې د اضافي برېښنا صادرولو د موجوده مقرراتو او همدارنګه د ودې، روښانتیا او منلو لپاره پر وړاندیزونو باندې بحث وکړ. دغه غونډه د افغان جرمن د انرژۍ سکتور د سمونتیا پروګرام (ESIP) په مالي مرسته جوړه شوې وه.
13.04.1398 | خبرپاڼه
د ۱۳۹۸ کال د چنګاښ میاشتې ۱۳مه نېټه- کابل، پرون په کابل کې د بشري حقونو او جنډر د روزنې مېتودولوژۍ په اړه د روزونکو روزنې لپاره د دوباره ورپه یادولو (refresher) درې ورځني روزنې وروستۍ ورځ وه. په دغه ورکشاپ کې د افغانستان د ۴۸ ښوونکو د روزنې له مرکزونو (TTCs) څخه نږدې ۱۰۰ استاذانو د ۱۲ مېرمنو په ګډون، د بشري حقونو او جندر په اړه خپلې پوهې لوړې کړې. اوس، دغه استاذان په دې برخه کې ښه تجربه لري او دا توان لري چې دغه پوهه له خپلو محصلینو استاذانو سره شریکه کړي. د دارالمعلمین ریاست (TED) دغه ورکشاپ د افغان جرمن همکارۍ په مرسته ترسره کړه.
12.04.1398 | خبرپاڼه
دوشنبه، تاجکستان، د ۱۳۹۸ کال د چنګاښ ۱۱ مه – پرون دوشنبه، تاجکستان د کډوالو او راستنیدونکو چارو وزارت لپاره د شپږ ورځني ورکشاپ وروستۍ ورځ پاې ته ورسوله. د دوه مېرمنو په ګډون د وزارت دولسو استازو د کډوالو او راستنېدونکو چارو د وزارت په مالي او اداري معینیت کې د کاري پروسو د اصلاح او لا ډیر مؤثریت لپاره ځنې کړنلارې جوړې کړې. افغانستان سره د آلمان د همکارۍ د مشورتي فنډ پرانیستې پالیسي د کډوالو او راستنېدونکو وزات او د هغه اړونده معینیتونه د هغه د ۲۰۱۵-۲۰۱۹ کال د ستراتیژیکي پلان په پلي کولو کې د ظرفیت لوړونې د بېلابېلو فعالیتونو پواسطه ملاتړ کوي. اصلي موخې یې افغان وګړو ته د چوپړتېاو د برابرولو سمون او همداراز د وزارتونو او دولتی ادارو ترمنځ د مهاجرت په اړه د چارو همغږي کول دي.
12.04.1398 | خبرپاڼه
د ۱۳۹۸ کال د چنګاښ د میاشتې ۱۱مه نېټه ، فیض آباد، بدخشان ولایت، پرون، د افغانستان د کانونو او پترولیم ریاست (DoMP) کار کوونکو د کانونو په سکتور کې د جنډر رول په اړه په فیض آباد، بدخشان کې درې ورځنی ورکشاپ بشپړ کړل. په دغه ورکشاپ کې د کانونو او پترولیم ریاست ۱۷ کار کوونکو په ګډون، د درې ښځینه کار کوونکو او د ښځو چارو وزارت دوه نمایندګانو هم ګډون کړی وو. دغه ورکشاپ د د کانونو او پترولیم وزارت د جنډر څانګې ترتیب کړی وو. دغه ورکشاپ د افغان جرمن همکارۍ پروګرام چې په افغانستان کې د استخراج په سکتور کې ښه حکومتولۍ ته وده ورکوي، په مالي مرسته جوړ شوی وو.
22.03.1398 | خبرپاڼه
هرات، د هرات ښار، د ۱۳۹۸ کال د غبرګولی ۲۲مه نیټه – د دوو ورځو لپاره د تخنیکي او مسلکي زده کړو او روزنې د ادارې ۸۸ تنو استازو د هرات په ښار کې په یوه ځانګړي کنفرانس کې ګډون وکړ. د دې غونډې ګډونوالو چې د ټویټ د ۱۳ ولایتی ادارو او ۲۳ تخنیکي ښوونځیو څخه راغلي وو د استاد-شاګردۍ د ښوونځیو د اوسنیو ننګوونو د حل د لارو چارو په باب یې خبرې اترې وکړې. هغو د هیواد په ۱۳ ولایاتو لکه کابل، بلخ، هرات او ننګرهار کې د ۱۸ تخنیکي ښوونځیو او انستیتوتونو د نوي کولو په اړه هوکړه وکړه. د افغان-المان د همکارۍ اداره د دغه اقدام څخه د ۲۸۰ میلیونو افغانیو په برابرولو سره مالي ملاتړ کوي.
01.03.1398 | خبرپاڼه
کابل، د ۲۰۱۹ کال د مې د میاشتې ۲۲مه نیټه – پرون د افغانستان د انرژۍ او اوبو وزارت او د افغان-المان د همکارۍ د انرژۍ د سکتور د سمونتیا پروګرام (ESIP) په کابل کې د همکارۍ او پلۍ کولو یو هوکړه لیک لاسلیک کړ. د دغه هوکړه لیک موخه داده چې د افغان حکومت د نوي کیدونکي انرژۍ د تګلارې پلۍ کول آسانه شي. د افغان-المان د همکارۍ اداره به په دې برخه کې د ۲۰۱۹ کال تر پایه پورې د ۲۶۴ میلیونو افغانیو پانګونه وکړي.
26.02.1398 | خبرپاڼه
فیض اباد، بدخشان، د ۱۳۹۸ کال، غویی د میاشتې ۲۶ نېټه، پرون د اقتصاد وزارت د پالیسۍ او مسلکي چارو معین ښاغلي محمد اسماعیل رحیمي د بدخشان، تخار او کندز ولایتونو دولتي چارواکو ته د ولایتي څارنې او راپور ورکونې سیسټم (PMRS) ور وپېژنده. دوی زده کړل چې دغه ډیټابیس څنګه وکاروي چې په افغانستان کې ملي پراختیایي پروژې تعقیبوي او له پرمختګونو څخه یې څارنه کوي. دا به د پروژې تطبیق اسانه کړي په داسې حال کې چې په ورته وخت کې د روڼتیا او ځواب ورکونه هم زیاتوي. اوسمهال د افغانستان په ټولو ۳۴ ولایتونو کې دغه سیسټم معرفي شوی دی. د افغان جرمن همکارۍ د دغه ډیټابیس په جوړولو په برخه کې مرسته کړې ده.
24.02.1398 | خبرپاڼه
فیض آباد، بدخشان، د ۱۳۹۸ کال د غویې ۲۴ مه، - پړون، د بدخشان ولایت د فیض آباد په ولسوالۍ کې د لس کیلو مټرو سړک د بیارغاونې تړون لاسلیک شو چې د دشت قروغ او لې آبه کلي سره نښلوي. د اړونده ولایت او د ټولګټو د ریاست استازو پدغه غونډه کې ګډون وکړ. دغه پروژه د فیض آباد له ښار څخه تر یاوان ولسوالۍ پورې د ۷۴ کیلومټره سړک یوه برخه ده چې شاوخوا ۶۰۰،۰۰۰ وګړي به ترې ګټه پورته کړي. د افغان – جرمن همکاري دغه پروژه د شاوخوا ۲۰۶ میلیونه افغانېو په مجموعي ارزښت سره تمویلوي او د هغې د پلي کولو په برخه کې د ټولګټو له ریاست سره مرسته کوي