Primary tabs
ثبات جوړونه
د ټولنې پولیسي کول د پولیسو او ټولنو ترمنځ نږدې اړیکو ټینګولو تمرکز کوي.
د بنسټیزو زیربناوو ښه کولو اقدامات، د بېلګې په توګه د څښاک اوبو توضیع، دواړه کوربه ټولنو او کډوالو ته ګټه رسوي.
سره یو شوی متخصصین د افغان وزارتونو، کلیدي ادارو او ادارو ملاتړ کوي ترڅو د دوی مدیریت مهارتونه لوړ کړي.
د افغانستان د سوداګریزو توکو د سکتورنو ګټې د پام وړ پیاوړی دی
پولییز (سرحدی) بازارونه د بازارونو په غځونه او پراختیا کې مرسته کوی
په جهلستون کې ویچاړې شوی ودانۍ بیا رغول شوي دي
نړیوالو روزونکو د تدریس او عدم تشدد زده کړې په برخه کې سلګونه ښوونکي وروزل
په پولیسو کې لسګونه زره افغانانو دمخه د سواد زده کړې په کورسونو کې ګډون کړی دی.
په کندوز ولایت کې سیمه ایز روغتون د آلمان په پانګونه سمبال شوی دی.
په افغانستان کې د آلمان لخوا د ثبات لپاره پیل شوي ګامونو لومړنۍمؤخې د خوندي چاپېریال برابرول، په چټکه توګه د ژوندانه شرایط ښه کول، د حکومت او مدني ټولنې وړتیا لوړل دي. په دې کې په بین الفغانی توګه د پارلماني او ولسمشریزو ټاکنو، د پخلاینې\ دسولې د تګلارې او د قانون له حاکمیت څخه د ملاتړ خبرې اترې شاملې دی.
د آلمان حکومت د پولیسو داسې یو ځواک روزي چې د قانون د حاکمیت پر بنسټ د امنیت د ټینګښت او ساتلو توان ولري. په افغانستان کې اوږد مهاله امنیت یوازې په هغه صورت کې تضمین کېدای شي، چې د هېواد امنیتي ځواکونه د دې توان ولري چې د خپلو ټولو دندو مسؤلیت په خپلهغاړه واخلي.
په دغه مالی ملاتړ کې د آلمان حکومت لخوا د افغانستان لپاره د قانون او نظم د پانګې (LOTFA) ۶۰ ملیونه یورو کلنۍ وړاندې شوې مرسته چې اداری چارې یې د UNDP لخوا تر سره کېږي، هم شامله ده، چې له دې پانګې څخه د افغان پولیسو معاشونه ورکول کېږي. همدارنګه، د آلمان فدرالي حکومت د نارینه او ښځینه پولیسو افسرانو د سواد زده کړې کورسونو پانګه هم ورکوي چې مؤخه یې د پولیسو او ټولنې تر منځ باور جوړول دي. د ۱۳۸۱ او ۱۴۰۰ کالونو ترمنځ، د آلمان د پولیسو دوه اړخیزه پروژې له یو سل او پنځوسزره(۱۵۰،۰۰۰) څخه ډېر افغان پولیس روزلي دي.
د دولتي جوړښتونو پیاوړتیا بشپړولو لپاره، په افغانستان کې ثبات له مدني ټولنې څخه ملاتړ کول دي. په دې کې (د بېلګې په توګه Medica Mondiale, Save the Children ادارو) په همکارۍ د ښځو، ماشومانو او ځوانانو د حقونو پراختیا شامله ده. له هغو تګلاروڅخه چې په مستقیم ډول په افغانستان کې د سولې او پخلاینې له لړۍسره مرسته کوي، له هغوی څخه هم ملاتړ کېږي.
په افغانستان کې د ثبات لپاره د ژوند ښې چارې مهمې دی. سر بېره په دې د بنسټیزو زیربناو پراختیایي پروژو مؤخه لکه (اداري ودانیو او روغتونونو) ودانۍ دی، فدرالي حکومت په کابل کې د ښاري زیربناو په بیا رغونه لکه ( د بابر او چهلستون باغونه) کې هم مرسته کوي. همداراز، له پاکستان، تاجکستان او ایران سره سرحدي سیمې په ځانګړې توګه د زیربنایي پروژو له طریقه ورسره مرسته کېږي چې نه یوازې په سیمه کې به د ژوند کیفیت ښه کړي بلکه د پولې له هغه خواوو سره به همکارۍ او سیاسی پراختیا ته هم ضمینه برابره کړي.
په افغانستان کې په هېواد دننه بی ځایه شوي کسانو سره مرسته کېږی ترڅو خپل کورونه په خپله ورغوی ځمکې ورکړل شوې او د لاسې صنایعو په اړه ورته روزنه ورکړل شوې. سیمه ییز چارواکي د شخړې حساسیت او د نويو راستنېدونکو سره منصفانه چلند کولو په برخه کې روزل شوی څو د کډوالو او کوربه ټولنو ترمنځ د شخړو مخنیوی وشي.
د ثبات د لومړیتوبونو په اړه د مونږ د کار په اړه مفصل معلومات د پروژې د تفصیل او 'کیسو' په برخې کې موندلای شئ.
زمونږ کار پدی برخه کي
زموږ کيسې
