ټول هیواد

په ټول هیواد کې، د افغانستان سره د المان د همکارۍ پروګرام د پوهنې، روزنې او د بیخبنا په پراخولو کې فعال دی او د سوداګرۍ او اقتصادي ودې د پاره لاره اواروي.

د افغانستان نیم نفوس تر اوسه پورې لوست او لیک نشي کولای، او کارپوهان اغلباً بسیا روزنه نلري ځکه مسلکي روزنه اکثراً لږ عملي اړخ لري او یا په غیررسمي توګه پرمخ بوول کیږي. خو اقتصادي پراختیا او د پوهنې کچه یو له بله سره تړلي دي. د المان حکومت په دې لاره کې کار کوي چې د لومړنیو او منځیو زده کړو او مسلکې روزنې په ډګرونو کې ملي پروګرامونه پیاوړي کړي. ښوونکو ته روزنه ورکول کیږي چې د زده کوونکو سره اغیزمنه مرسته وکړي او دوی د کار د بازار د اړتیاوو سره سم چمتو کړي. او زیات شمیر نور نوښتونه، لکه د تعلیمي نهادونو او سوداګریزو موسسو تر منځ مشارکت او د کار د زده کړې د عملي دورو معرفي کول، هم ترسره کیږي.

بله مسئله داده چې د هیواد په لویو سیمو کې بسیا بیخبنا شتون نلري. د برښنا، اوبورسونې او ټرانسپورټ د شبکو، او د ښوونځیو او روغتونونو د پراخولو په لاره کې هڅې یوازې د هیواد ټاکلو سیمو ته غزیدلي دي، او دغه خدمتونه د خلکو اړتیاوې نه پوره کوي. له دې امله د افغانستان سره د المان د همکارۍ پروګرام ملکي بیاجوړونه پیاوړې کوي او په دې توګه په اقتصادي ودې، سوداګرۍ، پوهنې او د هیواد په روانې پراختیا کې ونډه اخلي.

Projects in Focus

د پولیسو افسرانو لومړنۍ ښوونه او روزنه افغانستان د قانون د واکمنۍ په ټینګولو کې د ننګوونو سره مخامخ دئ. ډیر لږ شمیر د پولیسو افسران په بسیا توګه د خپلو دندو د واجدو شرایطو لرونکي دي، او د ښاریانو اړتیاوو ته د ځواب ورکونې رسالت د افغانستان د ملي پولیسو لپاره تر اوسه هم لږ ارزښت لري. more
د ټولو لپاره غوره مسلکي یا حرفوي ښوونه او روزنه په افغانستان کې ځوانان د منظم کار د موندلو په هڅه کې دي. د شاوخوا ۳.۲ ملیونه ځوانانو له ډلې چې مسلکي ښوونځي ته د تګ حق لري، یوازې د دوه فیصدو څخه لږ یې د ښوونځي پر بنسټ د مسلکي روزنې له پروګرام څخه فارغ شوي دي. ډیری کورنۍ نشي کولی خپل ماشومان مسلکي ښوونځي ته واستوي، حتی که روزنه یې وړیا هم وي. په سلو کې شل ځوانان په کوچنیو کارځایونو کې د کار په زده کړه بوخت دي. more
خپلواکۍ ته وده ورکول د څو لسیزو شخړو له امله د افغانستان د بیخبناوو زیاتې برخې له منځه تللي دي. د برښنا او اوبو رسول په پراخه کچه شتون نلري، ښوونځي او روغتونونه هم په بسیا ډول نه لیدل کیږي چې د خلکو اړتیاوې مرفوع کړي. more
د پراختیایي پروژو کیفیت او روڼتیا له ۲۰۰۹ زېږدیز کال را پدېخوا، فدرالي حکومت له افغانستان سره د آلمان په همکارۍ کې له ۳.۸ بیلیونه یورو څخه زیاته پانګونه کړې ده. دا مدني ښکېلتیا په دواړو هېوادونو کې له جدي عامه مناظرې سره مل ده. دا پوښتنه اکثره راپورته کېږي چې آیا مالي مرستې په بریالیتوب سره کارول کېږي او متوقع موخې ترلاسه کېږي. more
د کان ایستنې په صنایعو کې روڼتوب افغانستان د طبیعی سرچینو یو بډای هیواد دئ چې کولای شي د منرالي توکو مهم صادرکوونکئ شي که چیرې خپلې زیرمې په پایښتونکي او کنټرول شوي توګه استخراج کړي. خو د کان ایستنې سکتور په دې هیواد کې غیرمنظم دئ او د حکومت ضد ډلو له خوا کنټرولیږي. غیرقانوني کان ایستنه او اداري فساد افغان دولت د لویو عوایدو څخه محروموي او د هیواد د اقتصادي او ټولنیزې پراختیا مخنیوۍ کوي. more

کيسې