کابل

د افغانستان پایتخت کابل په هیواد کې د ټولو فعالیتونو د همغږي مرکز دی. حکومت، وزارتونه، د المان سفارت، زیات شمیر غیرحکومتي سازمانونه، او د ټولو نړیوالو مرستندیو هیوادونو د پراختیایي همکاری ادارې دلته میشته دي. په کابل کې قوانین تسوید کیږي، استراتیژۍ طرحه کیږي، ملکي ودانیزې پروژې پیل کیږي او پراختیایي مفکورې پلۍ کیږي، په یو شمیر مواردو کې نوموړي کارونه د افغانستان سره د المان د همکارۍ د پروګرام په مرسته ترسره کیږي.

د افغانستان سره د المان د همکارۍ پروګرام په کابل کې د ډیرو کلونو راهیسې کار کوي او افغاني شریکانو ته په سیاسي کچه د سلامشورې خدمتونه برابروي تر څو ملي پالیسۍ او لړۍ سمون ومومي، د اداري فساد سره مبارزه وشي او د قانون د واکمنۍ اصول وپیژندل شي. د المان حکومت د ښې حکومتوالۍ په ډګر کې په پروګرامونو کې د برخې اخیستنې په شان یو زیات شمیر تعلیمي او روزنیز نوښتونه تمویلوي. سربیره پردې، د انرژۍ، روغتیایي څارنې، اوبو رسونې او د ناویلیو اوبو د دفعې د پروژو ملاتړ کوي.

د دې لپاره چې د افغانستان په ملاتړ شریکې هڅې په ډیره اغیزمنه توګه همغږې شي، په کابل کې د ټولو ګټو لرونکو ډلو او د افغان حکومت تر منځ سلامشورې ترسره کیږي. په دې توګه، اغلباً د ولایت، ولسوالیو او بلدیې په کچه د پروژو د ډیزاین په باب پریکړې کیږي. یو زیات شمیر پروګرامونو مرسته کړیده چې بدلونونه منځته راشي او د اوسیدونکو د ژوند شرایط سمون ومومي.

په دغه برخه کې په کابل کې د افغانستان سره د المان د همکارۍ د پروګرام د فعالیتونو په باب یوه لنډه کتنه لوستلای شی.

Projects in Focus

د کابل په زړه کې د سولې پارک جګړې او کورنۍ شخړې په کابل کې زیات شمیر عامه بیخبناوې او ودانۍ له منځه وړي دي. د چهلستون پارک چې د ۱۲ هکتارو په مساحت د ښار په زړه کې پروت دئ او د هغه د نونسمې پیړۍ ماڼۍ یعنې د چهلستون قصر هم له دې امله ډیر زیان موندلی دئ او یوازې یوه ویجاړه ودانۍ ترې پاتې شوې ده. more
کابل لپاره د اوبو ښه رسونه د روغتیا د نړېوال سازمان (WHO) د مالوماتو پر بنسټ، اوسمهال د افغانستان د ښاري جمعیت شاوخوا یواځې یو پر درېمه برخه او د کلیوال جمعیت پنځه سلنه برخه د څښاک د اوبو رسونې له منظمې شبکې سره تړلي دي. د کابل ښاروالۍ د اوبو رسونې شبکه شاوخوا د ۶۰۸۰۰ کورنېو کنکشنونه مدیریت کوي. د اوسنۍ زیربنا وضعیت هم ډیر کمزورې ده: د اوبو پایپ لاینونه، پمپ سټیشنونه او زیرمې، که چېرې شتون ولري، معمولاْ ویجاړ شوي او شاوخوا ۳۰ سلنه اوبه د لیکۍ له امله ضایع کیږي. more
پاکه انرژي د پرمختګ د اړتیا په توګه د بریښنا منظمه رسونه هغه څه دي چې ډیرو لږو افغانانو ته بخښل شویدي. که څه هم افغان دولت د بریښنا د سکتور لپاره یو نوې ماسټر پلان پلي کوي او نوې کیدونکې انرژۍ لپاره ملي ستراتیژي لري، خو بیاهم، یواځې شاوخوا څلورمه برخه وګړي د بریښنا له شبکې سره نښتي دي. more
ښاروند محور پولیسوالي اوس مهال، افغان ملي پولیس د قانون او نظم د پلي کولو او د خلکو غوښتنو ته د ځواب ویلو په تړاو خپلې دندې په بشپړ ډول نه شي ترسره کولی. د پولیسو کار نه یوازې په افغانستان کې د خراب امنیتي وضعیت له امله ګران دی، بلکې د پولیسو خپلمنځي ستونزې او د کاري نظم کمزورتیا هم د قانون د حاکمیت په تړاو د اغیزمنې پولیسوالۍ مخه نیسي. more
د افغانستان د بیارغاوني لپاره کارپوهان د افغانستان په وزارتونو او اداری سیسټمونو کې په وروستېو کلونو کې د پام وړ پرمختګ رامنځ ته شویدی. اوسمهال، د افغانستان ادارې په تدریجی ډول سره د بیارغونې او د ډونرانو د همغږۍ چارې په خپله مدیریت کوي. more
د کان ایستنې او اومو موادو کارپوهان افغانستان د اومو موادو څخه ډک دئ. خو افغان دولت تر اوسه ندئ توانیدلئ چې د دغو منرالي سرچینو څخه د پام وړ عواید په لاس راوړي. د دې خبرې یو دلیل د کانونو په سکتور کې د فني او مجربو کارپوهانو نشتوالۍ دئ. more
له نفوس ډکو ټولنو ته روغتیا پاملرنه له ۲۰۱۶ زېږدیز کال را پدېخوا له ۱.۶ میلیونو څخه زیات افغان وګړي چې له وسلوالو جګړو او تاوتریخوالي څخه پاکستان او ایران ته کډه شوي وو، بېرته خپل هېواد ته راګرځېدلي دي. له دوی څخه ډېری یې بې وزله دي او نه شي کولای په خپلو پخوانیو کورونو کې بېرته ځای پر ځای شي. یوازې د کابل ولایت ته نږدې ۱۷۰۰۰۰ خلکو د نسبتاً غوره امنیتي وضعیت او د عاید غوره فرصتونو له امله په ۲۰۱۶ او ۲۰۱۷ زېږدیز کلونو کې کډوال شوي دي. more
ټولو هیوادوالو دپاره حقوقي ډاډمنتیا د افغانستان اساسي قانون چې په ۲۰۰۴ کال کې تصویب شوی د نارینه او ښځینه وو لپاره مساوي حقوق تضمینوي. دا د افغانستان لخوا لاسلیک شوو د بشري حقونو نړیوالو تړونونو کې هم منعکس کیږي. پداسې حال کې چې ډیری نوي قوانین او پالیسۍ د نوي قانوني سیسټم روحیه تعقیبوي، خو پلي کیدل یې ډیر ورو روان دي. more
د یوه اغیزمن او د اعتبار وړ دولت لپاره اصلاحات د څو لسیزو وسله والې شخړې افغان ټولنه د هغې له دولتی جوړښتونو سره، ویجاړه کړیده. په دولت او اداري دندو کې یو څه پرمختګ رامنځته شویده، مګر ښاریان، سوداګرۍ او پانګه اچونکي اوس هم له ټولو اړینو دولتي چوپړتیاو څخه ګټه نه پورته کوي. more
د اوبو او فاضله اوبو پایښتونکئ مدیریت اوبه د افغانستان په ډیرو ښاري او کلیوالي سیمو کې د نادره شیانو څخه ګڼل کیږي. پداسې حال کې چې افغانستان په دې وروستیو کلونو کې د اوبو رسولو د پراخولو په لاره کې لوی ګامونه اخیستي دي، د ښاري خلکو اکثریت لاهم د څښاک پاکو اوبو ته لاسرسۍ نلري. د کلیو اوسیدونکي د څاګانو او ویالو څخه اوبه راوباسي یا یې باید د اوبو له ټانکرونو څخه وپیري. د اوبو د لږوالي په وړاندې دغه سرچینې په زیاتیدونکې توګه له حد نه زیات کارول کیږي او د ککړتیا سره مخ کیږي. more

کيسې