د پرانیستلو د رسمي مراسمو په ترڅ کې د بغلان والي ښاغلي عبدالحی نعمتی داسې وویل: «نن مونږ په بغلان کې د شپږو بیلابیلو پروژو د بشپړیدو شاهدان یو چې د افغان-المان د پروګرام له خوا ترسره شوي دي. مونږ د دغو نوښتونو او د الماني ملګرو د ارزښتناکه ملاتړ څخه مننه کوو.»
سر له نن ورځې د نوموړو کتابتونونو دروازې د بلخ پوهنتون د حقوقو او شرعیاتو د پوهنځیو ټولو زده کوونکو پرمخ پرانیستې دي. د حقوقو د پوهنځۍ رئیسې میرمن شکیبا بګرامول د پرانیستلو په مراسمو کې داسې تبصره وکړه: «مونږ ډیره مننه کوو چې د افغان-المان د همکارۍ پروګرام په افغانستان کې د قانون د واکمنۍ د ټینګښت پروژې زمونږ وړاندیزونه په پام کې ونیول. اوس زمونږ پوهنتون عصري کتابتونونه د حقوق او شرعیاتو زده کوونکو ته وړاندې کوي.»
د ورکشاپ د پایته رسیدو په مراسمو کې د ښځو په شمول بیلابیلو سیاسي چارواکو او د خصوصی شرکتونو استازو ګډون کړی وو. ملي او سیمه ایزو کارپوهانو د تشبثت مهمې مفکورې ګډونوالو ته تشریح کړې. برسیره پردې، د افغانستان د خصوصي سکتور استازو د نویکیدونکي انرژۍ د سرچینو په کارولو سره د یوې سوداګرۍ د بنسټ ایښودلو په اړه د خپلو تجربو په باب خبرې وکړې. لوړپوړي دولتي چارواکو لکه د انرژۍ او اوبو د وزارت مرستیال ښاغلي محمد ګل خُلمی هم په نوموړو مراسمو کې برخه اخیستې وه.
د یوې غونډې په ترڅ کې چې دغه پروګرام په رسمي توګه پیل شو، د پوهنتونونو فارغانو، د مدني ټولنې استازو، حکومتي چارواکو او د سوداګرۍ کارپوهانو د تشبث په مهمو طرحو باندې خبرې اترې وکړې. د خصوصي سکتور استازو او د کابل د پولیتخنیک پوهنتون غړو د سوداګرۍ د پیل په باب د خپلو تجربو په هکله خبرې اترې وکړې. په افغانستان کې د انرژۍ لپاره د المان د نهادي پراختیا پروګرام مرستیال ښاغلي ذبیح الله طاهرزاده داسې ټینګار وکړ: «ځوانان د کارکولو لیوال دی او ښو فرصتونو ته اړه لري. هغه ټولنه چې وکولای شي دا ډول فرصتونه منځته راوړي اقتصادي ودې ته پرمختګ ورکوي او په خپله سوکالۍ کې پانګونه کوي».
د پرانیستلو په مراسمو کې د بدخشان د پوهنې رئیس ښاغلي روح الله محقق داسې ټینګار وکړ: «د محاسبې نوۍ انستیتوت نه یوازې د بدخشان د خلکو بلکه د ټولو افغانانو یوه لاسته راوړنه ده. د هیواد د ګوټ ګوټ څخه زده کوونکي کولای شي په دې انستیتوت کې شامل شي. د افغان-المان د همکارۍ د پروګرام او نورو سازمانونو ملاتړ زمونږ سره مرسته وکړه تر څو یو شمیر تر ټولو سختې ننګونې چې مونږ ورسره د پوهنې په ډګر کې مخامخ وو، حل کړو. مونږ د سمې ښوونې او روزنې پرته سوکالۍ ته نشو رسیدلای».
په دې تخنیکي روزنه کې د مځکې په سر او لاندې د کان ایستنې لړۍ، روغتیا او خویندیتوب، د ژوند د چاپیریال اړخونه او د سروې میتودونه شامل وو. د کانونو څارونکو همدارنګه په بلخ کې د کان ایستنې په یوې کارخانې کې خپل مهارتونه تمرین کړل. دوی اوس کولی شي په هغه ساحه کې د 55 کانونو ساحو تفتیش ترسره کړي چې دوی یې په هغو ولایتونو کې کار کوي. دوی کولی شي وڅیړي چې آیا کان کیندنې فعالیتونه نورمونو، معیارونو او مقرراتو سره مطابقت لري او یا چیرې د لیست شویو مقدارونو په تړونونو موافق دي. دا مرسته کوی ترڅو د پیسو سمه اندازه او همداسې حقیقي فیس او ماليات تضمین کړي.
د هوکړه لیک د لاسلیک کولو د مراسمو په ترڅ کې د افغانستان د مالیې وزیر ښاغلي اکلیل حکیمي داسې وویل: «د افغانستان حکومت په هیواد کې د یوې ثبات لرونکي دموکراسۍ د جوړولو په لاره کې د المان د ملاتړ او مرستې څخه مننه کوي. دا ډول هوکړه لیکونه د افغانستان د بیارغونې په وجهي صندوق کې په ونډې اخیستنې سره د افغان حکومت سره مرسته کوي چې د اغیزمنتیا او خپل پایښت په لور وخوځیږي».
د بلخ د والایتي احوال او نفوس د ثبت مشر، ښاغلي محب الله قريشي وویل، "د دې ظرفیت د لوړولو پروژه د بلخ په ولایت کې د خلکو لپاره غوره خدمتونه وړاندې کولو کی مونږ سره مرسته کوي. زه غواړم د آلمان د ملاتړ لپاره مننه وکړم ". د افغانستان لپاره د آلمان قونسل ډاکټر رابرټ کلینک، وویل: "دا د افغان - آلمان د همکارۍ خورا لوی بریالیتوب دی چې د پام وړ اړتیاووي په نښه کوي او پروژی پلی کیږی."
د جرمني قونسل جنرال وویل: "دا پروژې د با پایښت وده، پرمختیا او عصري کولو لرلید لری. زه ټولو چارواکو او شریکانو ته مبارکي ورکوم چې د دی ټولو پنځو پروژو څخه خلک اوس ګټه اخلی - نارینه او ښځې، هلکان او نجونې" .
د بغلان والی، ښاغلی عبدالحی نعمتی د پرانیستلو په مراسمو کې ټینګار وکړ: "دا ودانۍ سیمه ایز حکومت ته وړتیا ورکوي ترڅو د زده کونکو لپاره ښه چاپیریال او همدارنګه د ناروغانو او ډاکټرانو لپاره روغتیایي اسانتیاوې برابرې کړي. تعمیرونه ډیر ښه کیفیت لري. اوس، د ولسوالۍ پرمختیایي شورا، د حکومت اړونده ارګانونه او ټولنه باید د دې مناسبې پاملرنې ته اړتیا ولري. "
د شرعیاتو د څانګې یوې زده کوونکې داسې وویل: «دا یوه لویه خبره وه چې د عدلي او قضایي نهادونو او د هغوی د کړنلارو په باب مې لاډیر معلومات په لاس راوړل او داچې د ښځینه زده کوونکو د پاره د دې امکانات شته چې د مسلکي حقوقپوهانو په توګه دنده ترسره کړي».
